«Физика» пәнінен электронды оқулық орта жалпы білім берудің Мемлекеттік жалпы міндеттік стандартына сәйкестендіріліп жасалынған.
Модульдік технологияның негізінде электронды оқулықтың мазмұны келесі тақырыптық жолдармен құрылған: «Механика», «Тербелістер және толқындар», «Атом және атом ядросы», «Астрономия».
Физикалық құбылыстардың болмысы 40 анимацияланған демонстарциялар көмегімен ашылып көрсетілген. Білімнің мұндай көрнекі көрсетілімі оқушының физикалық құбылыстарды терең түсінуіне көмегін тигізеді. Мұндағы ең маңыздысы, оқушы демонстрацияларды тақырыпты толығымен түсініп, меңгергенше қайталап оқи беруге мүмкіндік алады, ал мұғалімнің мектепте әр балаға жеке бір тақырыпты қайталап түсіндіруге мүмкіндігі жоқ.
Оқушылар мектеп бағдарламасына сәйкес 4 зертханалық тәжірибелерді үйде жасауға мүмкіндік алады. Ал электронды оқулықтағы тәжірибелер, өз алдына, шынайы зертханада өткізілетін тәжірибелерді толығымен алмастырады. Сонымен қатар, тәжірибені жасағанда, оқушылар тәжірибенің дұрыс немесе дұрыс емес жасалынып отырғанын біліп отырады. Бұл оқушыларға дұрыс нәтиже алғанша қайталап жасай беруге мүмкіндік береді және оқушылардың жақсы оқуға деген құмарлығын арттыра түседі.
Оқушылар өз білімдерін тест көмегімен тексере алады. Жаңадан басталған тест сұрақтары қайталана бермейді, өйткені 400 сұрақтан құрылған тест қорынан кездейсоқ жағдайда 25 сұрақтан тұратын тест құрылады.
Бұл мектептегі сабақтарға да, үйдегі өз бетінше оқуға да арналған электрондық оқулық болып табылады.