«Қазақ әдебиеті» пәніне арналған электрондық оқулық (ЭО) оқушылардың Алматы қаласындағы және Алматы облысындағы әдебиет пәнінің тәжірибелі мұғалімдерімен сұхбат сабағы болып танылады.
ЭО Қазақстан Республикасы жалпы орта білім берудің Мемлекеттік жалпыға міндетті стандарты мен мектеп оқу бағдарламасына сәйкес жасалған.
Электрондық оқулықтың мазмұны модульдік технология бойынша құрастырылады, сондықтан оқу ақпараттары «XIX–XX ғғ. әдебиеті» модулі бойынша әдебиеттанымдық білімдер жүйесінің жиынтығы негізінде берілген. Бағдарлама бойынша берілген әдебиеттанымдық тақырыптар, әдебиет теориясы, әдеби жанрлар (барлығы 22) түсініктемелері диктордың мәнерлі дыбыстауымен сүйемелдене отырып, мультимедиалық жанды анимациялармен түсіндіріледі. Мультимедиалық оқыту бағдарламасында білімдерінің нәтижесін тексеру үшін 40 интерактивті тапсырмалар қарастырылған. Бағдарламамен жұмыс жасау барысында әрбір тапсырманың дұрыс жауабын тапқанша бірнеше рет қайталап орындайды.
Мектеп бағдарламасына сәйкес оқушылар ақын-жазушылардың шығармаларымен және олардың өмірбаяндарымен танысады. Оқулықта үйде немесе сыныпта таңдаған тақырыбына шығарма және ой-толғау (эссе) түріндегі шығармашылық жұмыстарын орындау ұсынылады, оны принтерден шығарып, өздерінің жеке электронды портфолиосына сақтауға болады.
Электрондық оқулық арқылы білім алу күрделілігіне қарай үш деңгейлі тест жұмыстарын орындаумен аяқталады. Нәтижесіне тек өздері ғана емес олардың ата-аналары да көз жеткізеді.
Сондықтан компьютерлік оқыту үрдісі барынша қызғылықты, балалардың оқу материалдарын толық меңгерулеріне қызығушылықтарын тудырады.